Parang ang sarap maging bata noh? Wala kang pinoproblema, hayahay ang buhay, palaro-laro lang ng piko, chinese garter, luksong baka, etc., kapag nakabangga ng matanda, ok lang kahit hindi magsorry. Minsan gusto nating maging bata ulit. Minsan gusto nating balikan ang mga araw na kinatutuwaan tayo ng mga matatanda. Habang palaki kasi tayo ng palaki, palaki rin ng palaki ang mga problema natin. Palaki ng palaki ang mga responsibilidad natin. Kung dati nawawala ang mga problema ng magulang natin kapag binubuhat nila tayo, ngayon, inis na inis sila dahil tayo naman ang problema nila.
Natanong ko ang mama ko kung gusto niya ulit magsimula sa simula at maging bata ulit. Sabi niya sa 'kin, ayaw daw niya dahil kung babalikan mo ulit ang hayahay mong buhay nung bata ka pa, mababalikan mo rin yung mga araw na puro problema ka.
Oo nga naman. Napaisip ako dun ah. Kahit kailan hindi mo maiiwasan ang problema. Siguro nga pwede mong maiwasan. Pero kahit kailan hindi mawawala sa kakaiwas mo. Para yang sakit na kapag iniwasan mo lalala ng lalala. Kung hindi ka gagawa ng paraan, hindi yan maaayos. Hindi yan kusang mawawala. Wag kang tamad na hahayaan mong iba ang umayos ng problema mo. Walang ganun. Pwede ka nilang tulungan pero ikaw pa rin ang gagawa at aayos nun.
Bilang isang dalaga o binata, obligasyon nating pagbutihin ang pag-aaral. Nakakadismaya lang na may mga nahuhulog sa patibong ni Satanas at mas inuuna nila ang lablayf nila. Nene, wag kang papadala sa temptasyon. Ikaw naman Totoy, wag mo namang sirain buhay ng girlpren mo. Wag ka namang maging makasarili.
Ang lablayf dumadating yan. Wag pilitin kung wala. Ang kinabukasan mo, pinagsisikapan yan. Yan ang dapat mong unahin. Ang daming lalaki/babae sa mundo na pwede mong sungkitin. Ang kinabukasan mo iisa lang yan. Wag mong hayaang masira dahil lang sa mga lalaki/babae. We must know our priorities. Alam dapat natin kung ano ang magiging resulta ng mga gagawin natin. Naka-bold pa yan para damang-dama mo XD
Kung ibang tao, gusto ulit bumata. Ako, gusto ko ng tumanda. As in senior citizen. Gusto ko ng lagpasan ang pagiging magulang. Ngayon pa lang kasi nakikita ko ng nahihirapan ang mga magulang ko. Paano pa kaya kapag ako na nasa lugar nila? Ang dami ko pang kakaining bigas. Kung senior citizen na ko, hayahay na ulit buhay. Malapit ka ng mamatay kaya malapit na ring matapos mga problema mo. Malapit ka na sa finish line mo. Ang dami rin kayang benefits ang pagiging matanda. Lola ko kung saan-saan nakakarating. Libre pa. Saan ka pa! Pero depende rin yan sa pamilya mo eh kung madatong (mapera) XD
Haayy! Buhay talaga. Ayoko na. hahahaha XD
Pero sabi ko nga sa blog ko, It's just life. Minsan mahirap. Minsan madali. Minsan masaya. Minsan malungkot. Basta, ngitian mo na lang problema mo at gawan mo ng paraan. Para happy na :D
Micah
An outgoing introvert trying to tell the world her story
No comments:
Post a Comment