Maingay at masayahin akong tao, pero pagkatapos ng klase namin, tumahimik na ko. Marami nang gumugulo sa isip ko. Sa kakaisip ko, feeling ko makakalbo na 'ko. Birthday pa 'yun ng kaibigan ko pero tahimik lang talaga 'ko. Nang nagsi-uwian na kami, nang nasa jeep na 'ko, biglang nagtext yung nanay ko. Napaluha ako sa sinabi nya kahit na araw-araw naman Niya kong tinitext. Sabi nya:
"Ate musta k n. San ka na? Pauwi k n Ba? Ingat anak sa paligid mo. Always pray. Love u. God bless! :)"
Wala naman talagang kinalaman 'to sa problema ko pero kahit papaano nakatulong 'to sa 'kin. May narealize ako. Kahit ilang problema mayroon tayo, may mga bagay pa rin na dapat nating pasalamatan. May mga bagay pa rin na biyaya at hindi mawawala -- Pamilya ko, si mama. Napaka-blessed ko para magkaroon ng napakabait na ina kahit na napakapasaway kong anak. Napa-kablessed ko para magkaroon ng napaka maaalahaning ina. Napaka-blessed ko para mgkaroon ng inang hindi ka iiwan. Umiiyak ako habang nagsusulat nito hindi dahil marami akong problema, kundi dahil naging pasaway akong anak sa isang napakabuting ina, ina na ang tanging hangad lang ay ang ikabubuti ng kanyang anak. Meron pang isang hindi ka iiwan -- ang Diyos. Lahat ng tao at bagay na importante sa atin, pwedeng mawala pero ang Diyos, hindi. Hinding-hindi ka Niya iiwan. Yan ang isa sa kanyang mga pangako.
Minsan sa sobrang rami nating iniisip, sa dami ng pinoproblema natin, sa dami ng pinagdadaanan natin, nakakalimutan na natin ang mga biyayang mayroon tayo at dapat nating pasalamatan. Minsan nakakalimutan na natin na may Diyos na hindi tayo iiwan at may pamilya tayo na laging nandyan para sa atin. Akala lang natin na hindi nila tayo mahal kasi lagi ka na lang nila pinapagalitan, pero sa totoo lang, ginagawa nila ang lahat para magkaroon ka ng magandang buhay. Nabulag ka lang sa kakasermon nila. Kailangan mo lang ibahin ang pagtingin mo sa mga bagay-bagay para makita mo ang mga regalo sa 'yo ng Diyos.
Hinding-hindi mahihigitan ng mga pagsubok natin sa buhay ang mga biyayang natanggap, natatanggap at matatanggap narin. May mga bagay pa rin tayong dapat pasalamatan. Wag na tayong magreklamo sa mga nangyayari sa buhay natin, bagkus, magpasalamat pa tayo dahil araw-araw may biyaya. Ang araw-araw ay isang biyaya.
No comments:
Post a Comment